इचलकरंजी / प्रतिनिधी
इचलकरंजी शहरातील सहा प्राथमिक आरोग्य केंद्रांच्या नूतनीकरणाचे काम सुरू होत आहे. या पार्श्वभूमीवर शुक्रवारी आ. राहुल आवाडे यांनी सहाही आरोग्य केंद्रांना भेटी देत केंद्र असलेल्या शाळांची पाहणी केली. राज्य शासनाच्या राष्ट्रीय आरोग्य अभियान अंतर्गत १५ व्या वित्त आयोगातून आ. आवाडे यांच्या पाठपुराव्यातून सहा प्राथमिक आरोग्य केंद्राच्या नूतनीकरणासाठी ५९ लाख रुपयांचा निधी मंजूर झाला आहे. लालबहादूर शास्त्री शाळा क्र. ३४ कलानगर, भारतमाता विद्या मंदिर शाळा क्र. ३३ शाहू पुतळा, हुतात्मा भगतसिंग शाळा क्र. २२ विक्रमनगर, झाकीर हुसेन उर्दू शाळा खंजिरे मळा, वेणुताई विद्या मंदिर हॉल डॉ. बाबासाहेच आंबेडकरनगर आणि म्युन्सिपल हॉल जवाहरनगर पोस्ट ऑफिसजवळ यांचा समावेश आहे.
