मजे न देखे रवी, ते देखे कवीफ अशी एक म्हण आहे. ही बाब संशोधकांनाही लागू आहे. सतत संशोधनाच्या विचारात गुंतलेल्या संशोधकांना मजळी, स्थळी, काष्ठी, पाषाणी सर्वत्रच संशोधनाची प्रतिबिंबे दिसू लागतात. शिवाजी विद्यापीठातील शिक्षक, संशोधक डॉ. सुशीलकुमार जाधव यांच्या बाबतीत असेच घडले. विद्यार्थ्यांमध्ये सनसेट पॉईंट म्हणून प्रसिद्ध असलेल्या संगीत व नाट्यशास्त्र अधिविभागा शेजारील तलावामधील झाडाच्या प्रतिबिंबामध्ये त्यांना एका रासायनिक संयुगाच्या संरचनेचा आभास झाला. ते छायाचित्र त्याच ठिकाणाहून त्यांनी टिपले. नुकत्याच प्रसिद्ध झालेल्या स्प्रिंजर नेचर प्रकाशनाच्या ममॅक्रोमॉलेक्युलर रिसर्चफ (मार्च 2025) आंतरराष्ट्रीय संशोधन पत्रिकेच्या मुखपृष्ठावर झळकण्याचा मान छायाचित्राला लाभला.
डॉ. जाधव यांच्या मार्गदर्शनाखाली शंभूराज कापसे व प्रणोती पाटील संशोधन करीत आहेत. त्यांच्याच शोधनिबंधाच्या विषयास अनुसरून हे मुखपृष्ठ तयार केले आहे. छायाचित्रातील झाडाच्या फांद्या व त्यांचे पाण्यातील प्रतिबिंब हे ब्रॅँच्ड-पॉलिथिलिनमाईन या बहुलकाप्रमाणे (पॉलिमरसारखे) दिसते. हा पॉलिमर पाणी शुद्धीकरणासाठी वापरण्यात येतो. या पॉलिमरद्वारे पाण्यातील सेंद्रिय तसेच असेंद्रिय विषारी घटक वेगळे केले जाऊ शकतात. ‘मॅक्रोमॉलेक्युलर रिसर्च’ या आंतरराष्ट्रीय मानांकित जर्नलच्या प्रत्येक अंकामध्ये साधारण पंधरा ते वीस शोधनिबंध प्रसिद्ध होतात. या सर्वांमध्ये स्पर्धा घेऊन एका शोधनिबंधाशी संबंधित छायाचित्र मुखपृष्ठासाठी निवडले जाते. त्यामधून डॉ. जाधव यांच्या छायाचित्राची निवड झाली. छायाचित्राचा वापर शोधनिबंधातील वैज्ञानिक माहिती कलात्मक पद्धतीने दर्शवण्यासाठी करण्यात आला आहे. डॉ. जाधव आणि संशोधक विद्यार्थ्यांचे कुलगुरू डॉ. डी.टी शिर्के, प्र-कुलगुरू डॉ. पी.एस. पाटील व कुलसचिव डॉ. व्ही. एन. शिंदे यांनी अभिनंदन केले.
