इचलकरंजी / प्रतिनिधी
इचलकरंजी शहरात सार्वजनिक बांधकाम विभाग यांचे नियंत्रणाखाली विविध रस्त्यांची कामे सुरू आहेत. या कामाबाबत काही तक्रारी महापालिका प्रशासना कडे प्राप्त होत आहेत.
या अनुषंगाने आ. राहुल आवाडे यांनी आयुक्त पल्लवी पाटील यांच्या उपस्थितीत आढावा बैठक घेतली. यावेळी शहरात सुरू असलेल्या रस्ते कामांचा सविस्तर आढावा सार्वजनिक बांधकाम विभागाचे अधिकारी आणि संबंधित ठेकेदार यांच्याकडून त्यांनी घेतला. कामामध्ये कोणत्याही प्रकारच्या तक्रारी होणार नाहीत याची खबरदारी सर्व ठेकेदारांनी घेत कामे मुदतीत पूर्ण करावीत, अशा सूचना त्यांनी दिल्या. यावेळी अतिरिक्त आयुक्त सुषमा शिंदे, उपायुक्त नंदू परळकर, शहर अभियंता महेंद्र क्षीरसागर, सा. बां.चे कार्यकारी अभियंता आर. व्ही. तोंदले, उपअभियंता एस. एस. पाटील, शाखा अभियंता पी. टी. मोरे, कनिष्ठ अभियंता के. सी. कांबळे, महेश भोसले, डी. वाय. भोसले आदी उपस्थित होते.
