इचलकरंजी / प्रतिनिधी
डीकेटीई सोसायटीची स्थापना १९८२ मध्ये झाल्यापासून शैक्षणिक क्षेत्रात डीकेटीई ने नेहमी प्रगतीचा चढता आलेख ठेवलेला आहे. शैक्षणिक क्षेत्रात आदर्श कार्य करणारी संस्था म्हणून संस्थेचा नावलौकीक जागतिक पातळीवर होत आहे. या संस्थेच्या नुकत्याच झालेल्या गव्हर्निंग कौन्सिल मिटींगमध्ये डीकेटीई सोसायटीच्या एक्झिकिटीव्ह डायरेक्टर पदी रवी आवडे यांची बिनविरोध निवड झाली आहे.
डीकेटीई मार्फत स्टार्टअप व इन्व्होशेन यामध्ये ए.आय. चा आधुनिक तंत्रज्ञान निर्मितीसाठी रवी हे प्रयत्नशील राहतील असे उद्गार संस्थेचे उपाध्यक्ष प्रकाश आवाडे यांनी या निवडीवेळी काढले. डीकेटीईचे एक्झिकिटीव्ह डायरेक्टर म्हणून रवी आवाडे यांनी त्यांचे मनोगत व्यक्त करीत असताना सर्वांच्या सहकार्याने संस्थेला प्रगती पथावर नेवू असा विश्वास व्यक्त केला.
निवडीबद्दल डीकेटीईचे अध्यक्ष कल्लाप्पाणा आवाडे, माजी मंत्री प्रकाश आवाडे, मानद सचिव डॉ. सपना आवाडे, व सर्व ट्रस्टींनी रवी आवाडे यांचे अभिनंदन केले व त्यांना भावी कार्यास शुभेच्छा दिल्या.
यावेळी संस्थेच्या डायरेक्टर डॉ. एल.एस.आडमुठे व सर्व विभागप्रमुख उपस्थित होते.
