डी. वाय. पाटील कृषी व तंत्र विद्यापीठ, तळसंदे व जनता शिक्षण संस्था वाई चे किसन वीर महाविद्यालय यांच्यात नुकताच सामंजस्य करार संपन्न झाला. या करारामुळे दोन्ही संस्थांना विज्ञान व तंत्रज्ञान क्षेत्रात राष्ट्रीय स्तरावर संशोधन करण्यासाठी नवे व्यासपीठ मिळाले आहे. या करारामध्ये विद्यार्थी- प्राध्यापक विनिमय कार्यक्रम,जोड प्रकल्प, प्रगत संशोधन अशा बहूआयामी बाबी राबविण्यात येणार आहेत.
तळसंदे येथील डी वाय पाटील शैक्षणिक संकुलात हा सामंजस्य करार संपन्न झाला. यावेळी डी.वाय. पाटील कृषी व तंत्र विद्यापीठाचे कुलगुरू प्रा. डॉ. के. प्रथापन, कुलसचिव प्रा. डॉ. जयेंद्र खोत, किसन वीर महाविद्यालयाचे प्राचार्य डॉ.गुरुनाथ फगरे, रसायनशास्त्र विभागप्रमुख प्रा.डॉ.ज्ञानदेव झांबरे, डॉ.संदीप वाटेगावकर, परीक्षा नियंत्रक डॉ.गुरुनाथ मोटे, मुख्य वित्त व लेखा अधिकारी श्री.सुजित सरनाईक, आयक्यूएसी समन्वयक व रिसर्च डायरेक्टर डॉ.शिवानंद शिरकोळे, असोसिएट डीन डॉ विक्रमसिंह इंगळे व आदी मान्यवर उपस्थित होते.
विद्यापीठाचे कुलगुरू डॉ. के. प्रथापन म्हणाले ” दोन्ही संस्था मिळून भविष्यात संशोधन उपक्रम राबवू व गरीब, होतकरू विद्यार्थ्याला आंतरराष्ट्रीय स्तरावर संशोधनासाठी संधी उपलब्ध करून देऊ असे बोलून त्यांनी “डी वाय पाटील” ग्रुप बद्दल सविस्तर मार्गदर्शन केले.
प्राचार्य डॉ.गुरुनाथ फगरे यांनी कराराद्वारे संयुक्तिरीत्या आंतराष्ट्रीय परिषदा, चर्चासत्र व कार्यशाळा घेऊ व भविष्यात आंतराष्ट्रीय पातळीवर संशोधन करण्यासाठी दोन्ही संस्था पुढाकार घेतील असे मत व्यक्त केले.
कुलसचिव डॉ.जे.ए.खोत यांनी या कराराबद्दल आनंद व्यक्त करीत विद्यार्थी शिक्षक विनिमय, संशोधन शोधनिबंध, प्रस्ताव, सेमिनार, संयुक्तरित्या राबविण्यासाठी कटिबद्ध राहू असे आश्वासन दिले.
डॉ.झांबरे यांनी भविष्यात संयुक्तिकपणे रोजगारभिमुख कौशल्ययुक्त कोर्सेस चालू करून विद्यार्थ्यांना रोजगार सुरू करण्यासाठी प्रेरीत करण्याचे आश्वासन दिले.
हा करार यशस्वीरित्या पूर्ण करण्यासाठी प्रा.डॉ ज्ञानदेव झांबरे, डॉ संदीप वाटेगावकर, डॉ. गुरुनाथ मोटे, डॉ शिवानंद शिरकोळे, डॉ विक्रमसिंह इंगळे, प्रा. योगेश चिमटे यांनी अथक परिश्रम घेतले.
