कोल्हापूर/महान कार्य वृत्तसेवा
वाठार तर्फ वडगाव येथील बाळासाहेब माने शिक्षण प्रसारक मंडळ संचलित अशोकराव माने ग्रुप ऑफ इन्स्टिट्यूशन्सच्या कॉम्प्युटर सायन्स विभागाने एज्युनेट फाऊंडेशनच्यावतीने विद्यार्थ्यांसाठी ‘ग्रीन स्किल्स आणि कृत्रिम बुद्धिमत्ता (ए.आय.)’ या विषयावर १० दिवसांची कार्यशाळा यशस्वीपणे आयोजित केली. यामध्ये दुसऱ्या व तिसऱ्या वर्षीच्या कॉम्प्युटर सायन्स विभागाच्या ४१० विद्यार्थ्यांनी सहभाग घेतला. विद्यार्थ्यांना ग्रीन टेक्नॉलॉजी, पर्यावरणपूरक कौशल्ये आणि कृत्रिम बुद्धिमत्ता सखोल मार्गदर्शन मिळाल्याची माहिती संस्थेचे अध्यक्ष विजयसिंह माने यांनी दिली. या कार्यशाळेसाठी एज्युनेट फाऊंडेशनचे योगेश राजे, आदित्य डंबाले, सागर यादव, मारिओ टोकचाम, सार्थक नारनोर आदींनी मार्गदर्शन केले. कार्यशाळेसाठी जि. प. माजी सदस्या मनीषा माने, संचालक डॉ. अजय देशमुख, उपप्राचार्य प्रा.पी.बी. घेवारी आदींचे म ार्गदर्शन लाभले. कार्यशाळा यशस्वी करण्यासाठी कॉम्प्युटर सायन्स विभागप्रमुख प्रा. सूरज रेडेकर, ट्रेनिंग को-ऑर्डिनेटर प्रा. अनिल देसाई, प्रा.एस.एस.रांजणे या अत्याधुनिक तंत्रज्ञानाबद्दल यांचे सहकार्य लाभले.
