जोतिबा डोंगर / प्रतिनिधी
दख्खनचा राजा श्री जोतिबा देवाची सुरू असलेला यात्रा पर्वातील न मधला रविवार प्रचंड गर्दी, ‘चांगभलं’चा गजर आणि गुलाल-खोबऱ्याची उधळण करत संपूर्ण न जोतिबा मंदिर परिसर गुलालाने नन्हाऊन गेला, रविवारी पहाटेपासून दर्शनासाठी रांगा लागल्या होत्या. प्रचंड उन्हातही असंख्य भाविकांनी जोतिबा देवाचे दर्शन घेतले. दर्शनासाठी मंडपाबाहेर रांगा – लागल्या होत्या. मुख्य वाहन तळापासून यमाईदेवी मंदिर परिसरापर्यंत पार्किंग वाहनांनी फुल्ल न झाले. सकाळी आठ वाजता ‘श्रीं’ना – अभिषेक करण्यात आला व खडी अलंकारिक राजेशाही महापूजा बांधण्यात आली. दुपारी साडेअकरा वाजता ‘श्रीं’चा धुपारती सोहळा झाला. भाविकांनी दिवसभर दर्शनासाठी प्रचंड गर्दी केली. सायंकाळी जोतिबा देवाचा पालखी सोहळा मोठ्या भक्तिमय आणि धार्मिक वातावरणात झाला. यावेळी भाविकांची प्रचंड गर्दी पाहावयास मिळाली. सायंकाळी पालखी सोहळ्यासाठी, देवस्थान समितीचे व्यवस्थापक धैर्यशील तिवले, सिंधिया देवस्थान समितीचे व्यवस्थापक अजित झुगर, अण्णा दिंडे, पुजारी, भाविक मोठ्या संख्येने उपस्थित होते.
