इचलकरंजी / प्रतिनिधी
शहरास पाणीपुरवठा करणेत येत असलेल्या कृष्णा नळपाणी पुरवठा योजनेच्या मजरेवाडीकडून येणाऱ्या जुन्य पाण्याच्या दाबनलिकेस गुरुवारी शिरढोण गावानजिक श्री. लोंढे यांचे घराजवळ गळती लागली आहे. यामुळे पाणी उपसा बंद करण्यात आल्याने शहरास होत असलेला पाणी पुरवठा दुपारी २ वाजले पासून तातडीने बंद करणेत आला आहे.
सदर ठिकाणची गळती काढणेचे काम महानगरपालिकेच्या वतीने तातडीने हाती घेण्यात आले आहे. यामुळे शहराचा पाणी पुरवठा खंडीत होणार असल्याने शहरवासीयांना अपुरा पाणीपुरवठा होणार आहे. सदर पाइपलाईनची गळती काढणेचे काम पूर्ण होताच शहराचा पाणी पुरवठा पूर्ववत करणेत येईल. तेव्हा शहरातील नागरिकांनी आपल्या जवळचा उपलब्ध पाणीसाठा जपून वापरून महानगरपालिकेस सहकार्य करावे, असे आवाहन महानगरपालिका आयुक्त तथा प्रशासक पल्लवी पाटील यांचेकडून करणेत येत आहे.
