पेठ वडगाव / प्रतिनिधी
महाराष्ट्र राज्य विधी सेवा प्राधिकरण मुंबई व जिल्हा विधी सेवा प्राधिकरण, कोल्हापूर यांच्या आदेशानुसार तालुका विधी सेवा समिती, पेठ वडगाव यांच्या वतीने शनिवार दि. १४ रोजी राष्ट्रीय लोकअदालतीचे आयोजन करण्यात आले आहे.
दिवाणी व फौजदारी न्यायालय, पेठवडगांव येथे सकाळी १०.३० ते दुपारी ४ वाजेपर्यंत लोकन्यायालयाचे कामकाज चालणार,असून दिवाणी न्यायाधीश कनिष्ठ स्तर पेठ वडगांव एल. एम. पठाणसो यांनी नागरीकांनी या न्यायालयात प्रलंबित असणारी तसेच दाखलपूर्व प्रकरणे आपापसांत तडजोडीने मिटविण्याकरीता या लोकअदालतीचा लाभ घ्यावा व आपला वेळ, परीश्रम व पैशाची बचत करावी, असे आवाहन नागरीकांना केले आहे. कौटुंबिक तंटे जसे की मालमत्तेची मागणी, आर्थिक वाद आणि वैवाहिक समस्या लोकअदालतीद्वारे मोठ्या प्रमाणावर आणि प्रभावीपणे सोडवल्या जातात.
