भोगावती/ प्रतिनिधी
शाहूनगर परीते (ता. करवीर) येथील भोगावती सहकारी साखर कारखान्याच्या चालू गळीत हंगामातील उत्पादित झालेल्या पहिल्या ५१११ साखर पोत्यांचे पूजन संपन्न झाले. कारखान्याचे संचालक प्रा ए.डी. चौगुले यांच्या हस्ते विधिवत पूजा करून पोती पूजन करण्यात आले. यावेळी बोलताना कारखान्याचे अध्यक्ष प्रा. शिवाजीराव पाटील यांनी भोगावतीचा कारभार पारदर्शक असून गळीत हंगाम मोठ्या जोमाने सुरू झाला असून यंदाच्या हंगामात सहा लाख मेट्रिक टन उसाचे गाळप निश्चितपणे होईल. त्यामुळे सर्व ऊस उत्पादकांनी कोणत्याही अफवांवर विश्वास न ठेवता कारखान्याला गाळपासाठी ऊस पाठवून सहकार्य करावे, असे आवाहन केले.
यावेळी कारखान्याचे उपाध्यक्ष राजाराम कवडे, सर्व संचालक प्रभारी कार्यकारी संचालक संजय पाटील, कामगार प्रतिनिधी धनाजी पोकर्णेकर, दत्तात्रय हायकर, सचिव उदय मोरे, चिफ केमिस्ट धनाजी किल्लेदार, वर्क्स मॅनेजर जी. जी. लोकरे, तोडणी वाहतूक संघटनेचे अध्यक्ष प्रदिप पाटील उपाध्यक्ष, शशिकांत पाटील, कामगार संघटनेचे उपाध्यक्ष सुरेश पाटील यांच्यासह सर्व अधिकारीकर्मचारीउपस्थितहोते.
